Hematoloqun ilkin konsultasiyası

Hematoloq – qanın və qanyaranma orqanlarının xəstəliklərinin profilaktikası, diaqnostikası və müalicəsi ilə məşğul olan həkimdir.

Bu mütəxəssis həm uşaqlarla, həm də böyüklərlə işləyir və öz təcrübəsində həm ənənəvi, həm də müasir metodikalardan istifadə edir. Bu həkim hətta nəzərəçarpan simptomatika ilə özünü büruzə verməyən gizli patologiyaları da uğurla aşkara çıxara bilir.

Nələri müalicə edir?

Bu mütəxəssislər aşağıdakı xəstəliklərin müalicəsini təmin edirlər:

• Bu patologiya üçün eritrositlərin və hemoqlobinin göstəricilərinin azalması səciyyəvidir. Anemiya ayrıca bir xəstəlik deyil! Anemiya – mikozun, pielonefritin, vərəmin və digər təhlükəli vəziyyətlərin simptomudur. Adətən, anemiyanı zəiflik, ümumi halsızlıq, iştahanın və yuxunun pozulmaları, hətta orta dərəcəli yüklənmələr zamanı təngnəfəslik və diqqəti cəmləmənin pisləşməsi müşayiət edir.
• Bu xəstəlik bədxassəlidir və sümük iliyində, dalaqda, qaraciyərdə və limfa düyünlərində toplanan atipik B-limfositlərin çoxalması ilə xarakterizə olunur. Patologiyaya meyllilik irsən ötürülür, onun əsas simptomları isə limfa düyünlərinin böyüməsi, həddən artıq tərləmə, zəiflik və çəkinin kəskin azalmasıdır. Limfoleykoz inkişaf etdikcə, dalağın və qaraciyərin böyüməsi, anemiya, başgicəllənmələr, spontan qanaxmalar aşkar edilir.
• Mieloma xəstəliyi. Bu patologiya bədxassəlidir və şiş hüceyrələrinin eynicinsli immunoqlobulinləri və ya onların fraqmentlərini sintez etmək qabiliyyəti ilə fərqlənir. Şiş bilavasitə sümük iliyində yaranır, ocaqlı, diffuz, ocaqlı-diffuz ola bilər.
• Leykozun bu forması sümük iliyində xüsusi hüceyrələrin sürətlə bölünməsi və onların qanda toplanması ilə xarakterizə olunur. Adətən, bu xəstəlik klinik analiz aparılarkən diaqnostika olunur, belə ki, çox zaman patologiya özünü heç bir simptomla büruzə vermir. Bəzi hallarda pasiyentlər bədən temperaturunun bir qədər yüksəlməsindən, immunitetin zəifləməsindən və ümumi halsızlıqdan şikayət edirlər. Anemiyanın və dalağın böyüməsinin də aşkar edilməsi mümkündür.
• Bu patologiya üçün limfa düyünlərinin böyüməsi səciyyəvidir. Şişin ilkin ocağı, adətən, metastazlar verir və bütün orqanizmə yayılır. Limfomanın bir neçə forması ayırd edilir, onlar simptomlarına və bədxassəlilik dərəcəsinə görə fərqlənirlər.